جو لوگ یہ کہتے ہیں کہ ”عبقری اور تسبیح خانے کے ذریعے بتائے جانے والے وظائف کی کوئی حقیقت نہیں، صرف ایک ٹوپی ڈرامہ ہے، جس کے ذریعے لوگوں سے عقیدت وصول کی جاتی ہے۔ انسان جتنا مرضی وظیفہ پڑھتا جائے، اسے کچھ فائدہ نہیں ہو سکتا۔ ایسے تمام حضرات کیلئے امام العصر حضرت مولانا انظر شاہ صاحب کاشمیری رحمۃ اللہ علیہ کا بہترین جواب حاضر ہے۔

شیخ الحدیث مولانا انظر شاہ صاحب کاشمیری رحمۃ اللہ علیہ اپنے والدِ ماجد حضرت علامہ انور شاہ کاشمیری رحمۃ اللہ علیہ کی عملیات کے موضوع پر لکھی جانے والی کتاب ”گنجینۂ اسرار“ کے شروع میں لکھتے ہیں کہ: اگر کوئی شخص عملیات کا انکار کرتا ہے تو کرتا رہے کیوں کہ اس کا کائنات میں انکار کا سلسلہ کوہِ ہمالیہ سے بھی بلند ہے۔ اس کی گہرائی سمندر کی گہرائی سے بھی زیادہ ہے۔ افسوس تو یہ ہے کہ ابو جہل جیسا مزاج رکھنے والا انسان ”لہسن، پیاز، مرچ، ہلدی، گلِ بنفشہ، گاؤ زبان جیسی جڑی بوٹیوں کے اثرات کو تسلیم کر لیتا ہے، مگر دنیا کی سب سے زیادہ پکی اور سچی حقیقتوں یعنی قرآن و حدیث اور وظائف کی تاثیر کا صاف انکار کر دیتا ہے۔

(بحوالہ کتاب: گنجینۂ اسرار، صفحہ 12 ناشر: ادارہ اسلامیات، انارکلی، لاہور)

قارئین! شیخ الحدیث مولانا انظر شاہ کاشمیری رحمۃ اللہ علیہ کے متعلق آپ کا کیا خیال ہے؟ کیا انہوں نے بھی نعوذ باللہ ”ٹوپی ڈرامے“ کا دفاع کیا ہوا ہے؟