حضرت کاشمیریؒ سے خاص ساعتوں میں خاص وظائف پڑھنے کا ثبوت

ماہنامہ عبقری میں اکابرؒ کی تعلیمات کے مطابق مسائل کے حل کے لئے خاص ساعتوں میں پڑھنے کے لئے مستند وظائف شائع کیے جاتے ہیں‘ جن پر کم علم طبقے کی طرف سے اعتراض اٹھتا ہے کہ یہ وظائف خود ساختہ ہیں۔آئیے اس کا حوالہ اکابرین کی زندگی سے لیتے ہیں۔استاذ الحدیث علامہ سید انور شاہ کاشمیریؒ لکھتے ہیں کہ جس شخص کی زبان میں لکنت ہو‘ اسے چاہیے کہ شب جمعہ میں چار رکعت نفل اس طرح پڑھے کہ پہلی رکعت میں سورۃ فاتحہ کے بعد سورۃ یٰسین‘ دوسری رکعت میں سورۃ دخان‘ تیسری رکعت میں سورۃ الم سجدہ اور چوتھی رکعت میں سورۃ ملک پڑھ کر سلام پھیر دے اور اپنی لکنت کے دور ہونے کی دعا کرے۔ان شاءاللہ زبان جاری ہو جائے گی۔بہت مجرب ہے،

(بحوالہ کتاب گنجینہ اسرار‘ ص 144‘ ناشر:ادارہ اسلامیات‘ لاہور)

اب آپ خود ہی فیصلہ کریں کہ کیا عبقری کی مثال ایک ایمان دار ڈاکیے جیسی نہیں ہے؟جو اکابرین کی ڈاک بڑی حفاظت اور احتیاط سے آپ تک پہنچانےکا فرض انجام دے رہا ہے۔